Minskdə Azərbaycan-Belarus Gənclər Forumu keçirilib
Azərbaycan-Slavyan Gəncləri Assosiasiyası "Azərbaycan-Belarus Gənclər Forumu" layihəsinin icrasını davam etdirir. 2025-ci il iyunun 19-da layihə çərçivəsində Minsk şəhərində Belarus Respublika Gənclər Birliyində Forum keçirilib. İctimai Birliyin sədri Səbuhi Abbasov bildirib ki, layihə hər iki ölkənin gəncləri üçün yeni bir platformadır. Tədbirdə Belarus parlamentinin deputatı, qeyri-hökumət təşkilatları, media nümayəndələri, tələbələr iştirak ediblər. İştirakçılar iki ölkə gəncləri arasında təhsil, mədəniyyət, innovasiya, könüllülük və digər sahələrdə əməkdaşlığın vacibliyini vurğulayaraq, bu istiqamətlərdə birgə layihələrin həyata keçirilməsi barədə çıxışlar ediblər. Forumdan öncə iştirakçılar Belarus Respublika Gənclər Birliyinin binası ilə tanış olublar. Layihənin donoru Qeyri-Hökumət Təşkilatlarına Dövlət Dəstəyi Agentliyidir.
