“Zəngəzur” Cəmiyyətləri İctimai Birliyi “Zəngəzur yazarlarının Zəfər çələngi” layihəsini icrasını davam etdirir. 2025-ci il iyunun 26-da layihə çərçivəsində AMEA-nın Lənkəran Elmi Mərkəzində “Zəngəzur yazarlarının Zəfər çələngi” toplusunun təqdimatı keçirilib.

Topluda Qərbi və Şərqi Zəngəzur bölgəsini təmsil edən 250 nəfər müəllifin şeir, hekayə, esse, publisist yazıları, eləcə də müsahibə, roman və poemalarından parçalar toplanıb. 412 səhifədən ibarət kitabda tanınmış müəlliflərlə yanaşı, 40-dan çox müharibə iştirakçılarının və onların ailə üzvlərinin şeirləri, hekayələri, publisistik yazıları yer alıb.

Kitabın elektron variantı Birliyin “zengezur.com” saytının “Kitablar” bölməsində də yerləşdirilib.

Layihənin donoru Qeyri-Hökumət Təşkilatlarına Dövlət Dəstəyi Agentliyidir.