Əlilliyi olan şəxslərin bacarıqlarının inkişafına həsr olunmuş sərgi və konsert proqramı keçirilib
“İstedadlı Əlillər” İctimai Birliyi “Əlilliyi olan şəxslərin bacarıqlarının inkişafı” adlı layihənin icrasını davam etdirir. 2025-ci il iyunun 27-də Xırdalan şəhərində layihə çərçivəsində sərgi və konsert proqramı keçirilib. İctimai Birliyin sədri Qubad Qasımov bildirib ki, tədbirin məqsədi əlilliyi olan şəxslərin sosial və iqtisadi inteqrasiyasına dəstək vermək, onların yaradıcılıq potensialını üzə çıxarmaq və cəmiyyətdəki aktiv rollarını təşviq etməkdir. Layihə çərçivəsində 35-dən çox əlilliyi olan şəxs və onların valideynləri müxtəlif təlimlərə cəlb olunub. Sərgidə iştirakçıların təlimlər zamanı hazırladıqları əl işləri maraqla qarşılanıb.
Sonda “İstedadlı Əlillər” İctimai Birliyinin üzvlərinin ifasında musiqi proqramı təqdim edilib.
Layihənin donoru Qeyri-Hökumət Təşkilatlarına Dövlət Dəstəyi Agentliyidir.
