Cəmiyyətin və Medianın İnkişafı İctimai Birliyi “Erkən nikah və fəsadları: maarifləndirici tədbirlər silsiləsi” adlı layihənin icrasını davam etdirir.  2025-ci il iyulun 5-də layihə çərçivəsində Astara rayonu Gənclər evində növbəti tədbir keçirilib. Tədbirdə rayon icra hakimiyyətinin, Daxili İşlər Nazirliyinin, rayon ictimaiyyətinin nümayəndləri, gənclər iştirak ediblər. 
Layihənin məqsədi məktəblilərin maarifləndirilməsi yolu ilə erkən nikaha qarşı cəmiyyətdə immuniteti artırmaq, fəsadları izah etmək, məktəbliləri peşə təhsili üçün imkanlarla tanış etməkdir. 
Tədbirdə erkən nikahın fəsadları barədə danışılıb, gənclər erkən nikaha qarşı mübarizədə fəal olmağa səslənib. Daha sonra yeniyetmə və gənclərin fikirləri dinlənilib, sualları cavablandırılıb.  
Tədbirdə həmçinin erkən nikaha məcbur edilən şəxslərən alınan müsahibələr təqdim edilib. 
Layihənin donoru Qeyri-Hökumət Təşkilatlarına Dövlət Dəstəyi Agentliyidir.