“İstedadları Tanıyaq və Tanıdaq” İctimai Birliyi “Parlaq Ulduzlar – Gənc İstedadların Tanıdılması” layihəsinin icrasını başa çatdırıb.

2025-ci il sentyabrın 7-də layihə çərçivəsində "İstedadları uğura aparan yol" adlı jurnalın təqdimatı keçirilib. Jurnalda layihə çərçivəsində seçilən istedadlı gənclər haqqında məlumatlar, onların yaradıcılıq nümunələri və gələcək planları yer alıb.

İctimai Birliyin sədri Vüsalə Sadıqova bildirib ki, layihənin məqsədi regionlarda yaşayan istedadlı uşaq və gənclərin aşkarlanaraq onların inkişafı və tanınmasına dəstək olmaqdır.

Təqdimatdan sonra layihə çərçivəsində keçirilmiş istedad müsabiqəsinin qalibləri mükafatlandırılıb. Fərqlənən iştirakçılara diplomlar, sertifikatlar və xatirə hədiyyələri təqdim olunub.

Tədbirin sonunda istedadlı uşaqlar və gənclərin iştirakı ilə konsert proqramı təqdim olunub.

Layihənin donoru Qeyri-Hökumət Təşkilatlarına Dövlət Dəstəyi Agentliyidir.