Nurəddin Mehdiyev

 

Nurəddin Səftər oğlu Mehdiyev

 

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının üzvü

 

06 iyul 1971-ci il tarixdə Bakı şəhərində anadan olub. 1978-1988-ci illərdə Bakı şəhəri Yasamal rayonu 20 nömrəli tam orta məktəbdə təhsil alıb.

 

1993-cü ildə Bakı Dövlət Universitetinin tarix fakültəsini fərqlənmə diplomu ilə bitirib.

 

1996-2003-cü illərdə Azərbaycan Milli Elmlər Akademiya­sı­nın İqtisa­diy­yat İnstitutunda  elmi işçi vəzifəsində çalışıb.

 

2003-2004-cü illər Gənclər Təşkilat­la­rının Milli Şurasının İdarə Heyətinin (Məclis) sədri vəzifəsində işləyib.  

 

2012-2021-ci illərdə Azərbaycan Respublikasının Gənclər və İdman Nazirliyi yanında Gənclərlə İş üzrə İctimai Şuranın sədri olub.

 

2013-2017-ci illərdə Azərbaycan Respublikası Prezidenti yanında Gənclər Fondunun Müşahidə Şurasının üzvü olub.

 

01 fevral 2008-ci il, 02 fevral 2015-ci il, 02 fevral 2017-ci il tarixlərdə gənclər siyasətinin həyata keçirilməsində uğurlu fəaliyyətinə görə “Gənclər mükafatı” ilə təltif olunub.

 

2017-ci ildən “Virtual Qarabağ” İnformasiya-Kommunikasiya Texnologiyaları Gənclər İctimai Birliyinin sədridir.

 

2018-ci ildən Azərbaycan Respublikasının Prezidenti Yanında Dövlət İdarəçilik Akademiyasının dissertantıdır.

 

Azərbaycan Respublikasının Prezidenti İlham Əliyevin 28 yanvar 2016-cı  il tarixli sərəncamı ilə “Azərbaycan Respublikası Prezidentinin fəxri diplomu” ilə təltif olunub.

 

22 fevral 2021-ci ildə Azərbaycan Respublikasının Müdafiə naziri, general-polkovnik Zakir Həsənov tərəfindən Fəxri Fərmanla təltif olunub.

 

Azərbaycan Respublikasının Prezidenti İlham Əliyevin 28 aprel 2021-ci  il tarixli sərəncamı ilə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının üzvü təyin edilib.

 

Azərbaycan Respublikası Mədəniyyət nazirinin 30 dekabr 2021-ci il tarixli əmrilə 05 yanvar 2022-ci il tarixindən Ağstafa Regional Mədəniyyət İdarəsinin rəisi vəzifəsinə təyin edilib.

 

10 elmi, 40-dan çox müxtəlif səpkili məqalələrin müəllifidir.

 

Evlidir, bir qız, bir oğul övladı var.

 

Nurəddin Mehdiyevin rəhbərliyi ilə ərsəyə gələn işlər və həyata keçirilən layihələr:

 

•  “Qarabağa doğru” sənədli filmi (Azərbaycan və ingilis dilində)
• “Qafqaz Albaniyası: Gecikmiş həqiqətlər” sənədli filmi (Azərbaycan, ingilis, rus dillərində)
• “Qarabağ Atı” animasiya filmi
• “Mübariz İbrahimov” animasiya filmi
• “İrəvan - gizlədilmiş həqiqətlər” sənədli filmi (Azərbaycan, ingilis, rus, türk, fransız dillərində)
• “Zəngəzur” sənədli filmi (Azərbaycan, ingilis, rus dillərində)
• “Qarabağ: Əcdadlarımızın mirası” sənədli filmi (Azərbaycan, türk, ingilis, rus, fransız dillərində), hazırda 44 günlük Vətən müharibəsi mövzusunun əlavə edilməsi ilə yenidən yaradılır
• “Xocalı - bir millətin kədəri” sənədli filmi (Azərbaycan, türk, ingilis, rus, fransız dillərində)
• “Göyçə - itirilmiş ocaq” sənədli filmi (Azərbaycan, türk, ingilis, rus dillərində)
• “Qafqaza erməni köçü” Sənədli filmi (Azərbaycan, ingilis, rus dillərində)
• “Hər şey Qarabağ üçün!” video
• “Aprel döyüşləri” video
• “Şuşa - Virtual Səyahət”, – 3D qrafik təsvirli film
• “Ağdam - Virtual Səyahət”, – 3D qrafik təsvirli film
• “Laçın - Virtual Səyahət”, – 3D qrafik təsvirli film
• “Kəlbəcər - Virtual Səyahət”, – 3D qrafik təsvirli film
• “Qubadlı - Virtual Səyahət”, – 3D qrafik təsvirli film
• “Cəbrayıl - Virtual səyahət”,  – 3D qrafik təsvirli film
• “Zəngilan - Virtual səyahət”  – 3D qrafik təsvirli film
• “Füzuli - Virtual səyahət”  – 3D qrafik təsvirli film
• “Zabux döyüşü” – infovideo
• “Qarabağ xanlığında sikkə zərbi” – infovideo
• “Şuşa döyüşləri” – infovideo
• “Pənahəli Xan” – infovideo
• “Qarabağ üsyanı” – infovideo
• “Azıx mağarası” – infovideo
• “Cıdır düzü” – infovideo
• “Üzeyir Hacıbəyli” – infovideo
• “Xarıbülbül” – infovideo
• “Uzundərə” Azərbaycan xalq rəqsi  – infovideo
• Qarabağa dair müxtəlif mövzularda 80-ə yaxın infoposter yaradılıb (Azərbaycan, ingilis , rus dillərində)
• “Qarabağın səsi” beynəlxalq musiqi layihəsi (Heydər Əliyev Fondunun dəstəyilə)
• “Virtual Qarabağ tarix muzeyi” virtual muzey platforması
• “Qarabağ geyimləri” elektron albom
• “Qarabağ xalçaları” elektron albom
• Map.virtualkarabakh.az (Qarabağın dövlət əhəmiyyətli tarixi abidələrinin elektron xəritəsi)
• Qarabağ mövzusunda elektron kitabxana platforması
• Mobil tətbiq platforması
• www.virtualkarabakh.az /org/com/net/co.uk portalı