Azərbaycan Respublikasının Qeyri-Hökumət təşkilatlarına Dövlət Dəstəyi Agentliyinin maliyyə dəstəyi ilə “Virtual Qarabağ” İnformasiya Kommunikasiya Texnologiyaları Gənclər İctimai Birliyi tərəfindən “Qərbi Azərbaycanın tarixi və mədəni irsi” mövzusunda respublika elmi konfransı keçirilib.

Konfransın məqsədi Qərbi Azərbaycanın tarixi və mədəni irsi mövzusunda elmi tədqiqatların artırılması, elmi ictimaiyyətin bu mövzuya diqqətinin daha da artırılması, Qərbi Azərbaycan haqqında tarixi həqiqətlərin araşdırılması və təbliğinə töhfə verilməsi, əldə olunan elmi nəticələrin işıqlandırılması ilə yerli və xarici ictimaiyyəti məlumatlandırmaq olub. Bu istiqamətdə çıxışlar edilib, məruzələr dinlənilib.

“Qərbi Azərbaycanın tarixi və mədəni irsi” mövzusunda respublika elmi konfransının materialları kitab halında nəşr edilərək iştirakçılara paylanılıb.