Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin təşkilatçılığı ilə QHT-lərin potensialının artırılması məqsədi ilə “BMT-nin insan hüquqlarının müdafiəsi mexanizmlərindən istifadə etməklə insan hüquqlarının monitorinqi, qiymətləndirilməsi və hesabatlılıq” mövzusunda maarifləndirici təlim keçirilib.

Təlim BMT-nin İnsan Hüquqları üzrə Ümumi Bəyannaməsınin qəbul olunmasının 75 illiyinə həsr olunub.  

Təlimdə BMT-nin müxtəlif strukturları ilə əməkdaşlıq, təmsilçilik, BMT-nin tədbirlərində iştirakla bağlı müraciət və digər zəruri məsələlərlə bağlı suallar cavablandırılıb, müvafiq izahlar verilib.  

Bir günlük təlimdə 30-a yaxın QHT nümayəndəsi iştirak edib. Təlimçi BMT-nin İnsan Hüquqları üzrə Ali Komissar ofisinin layihə eksperti, AR Vəkillər Kollegiyasının üzvü Sahib Məmmədov olub.