Şamaxıda inklüziv formada düşərgə keçirilib
“Səssiz Ünsiyyət-Jest Dilinin İnkişafına Dəstək” İctimai Birliyi “Nitq və eşitmə qabiliyyəti məhdud gənclərlə iş” layihəsinin icrasını yekunlaşdırıb.
Layihə çərçivəsində iyulun 25-26-da Şamaxıda inklüziv formada düşərgə təşkil edilib.
İctimai Birliyin sədri Şamil Sabirzadə bildirib ki, layihənin məqsədi məzun olmağa hazırlaşan nitq və eşitmə qabiliyyəti pozulmuş gənclərə sağlam həyat tərzini təbliğ etməkdir.
Düşərgə zamanı gənclərdə sürət və güc qabiliyyətini, çevikliyi, diqqəti yoxlamaq və inkişaf etdirmək üçün futbol, kəndirdartma, kisələrdə qaçış və digər yarışlar təşkil edilib.
Qeyd edək ki, ilk düşərgə Bakıda sağlamlıq imkanları məhdud uşaqlar üçün 2 nömrəli xüsusi internat məktəbində təşkil olunub.
Layihənin donoru Qeyri-Hökumət Təşkilatlarına Dövlət Dəstəyi Agentliyidir.
