“Gəncə Regional Qadın Mərkəzi” İctimai Birliyi “Sülh səfirləri” layihəsinin icrasını yekunlaşdırıb.
İctimai Birliyin sədri Məleykə Əlizadə bildirib ki, layihənin məqsədi keçmiş məcburi köçkün icmalarından seçilmiş “Sülh səfirlərinin” iştirakı ilə Azərbaycan Respublikasının işğaldan azad edilmiş ərazilərində Böyük Qayıdışa dair Dövlət Proqramına əsasən, inteqrasiya və reinteqrasiya imkanlarına töhfə verməkdir.
Layihə çərçivəsində 2024-cü il 22-26 iyul tarixlərində “Liderlik və Liderliyin əsasları”, “Kommunikasiya və media savadlılığı”, “Sülh quruculuğunda Gender bərabərliyi, “Qayıdış Proqramı və onun icrasında iştirak”, “İnteqrasiya və reinteqrasiya, qayıdış üçün lazım olan bacarıqlar” mövzularında təlimlər təşkil edilib. Təlim iştirakçıları 18-35 yaşarası seçilib və 5 gün davam edib.
Təlimlərdə iştirak edən “Sülh səfirləri” təşəbbüs qrupu şəklində Gəncədə keçmiş məcburi köçkün icmalarında layihənin heyəti ilə birlikdə maarifləndirmə yolu ilə həmvətənlərinin Qayıdış prosesində iştiraklarına dəstək görüşləri də icra ediblər.
Layihənin donoru Qeyri-Hökumət Təşkilatlarına Dövlət Dəstəyi Agentliyidir.