“Azərbaycan-Bolqarıstan Dostluğunun İnkişafına Yardım” İctimai Birliyi "Azərbaycanın multikulturalizm və mədəniyyətlərarası dialoq modelinin təbliği" layihəsinin icrasını yekunlaşdırıb.
Layihə çərçivəsində oktyabrın 1-dən 15-dək Bolqarıstanın paytaxtı Sofiya şəhərində bir sıra görüşlər və tədbirlər keçirilib. 
Müqəddəs Kliment Oxridski adına Sofiya Universitetində “Azərbaycanın multikulturalizm modelinin və mədəniyyətlərarası dialoqun təqdimatı” mövzusunda dəyirmi masa keçirilib.
Dialoq şəklində keçirilən tədbirdə Azərbaycan Respublikasının Bolqarıstan Respublikasındakı səfiri, alimlər, müxtəlif müəssisələrin nümayəndələri və tələbələr mövzu ətrafında fikir mübadiləsi aparıblar. Tədbirdə Bolqarıstan ictimaiyyətinə Azərbaycanda bolqar dilində nəşr olunan “AKORD” jurnalının növbəti buraxılışı da təqdim olunub.
Səfər çərçivəsində həmçinin Bolqarıstanın rəsmi şəxsləri, kütləvi informasiya vasitələri, Bolqarıstan ictimaiyyəti ilə görüşlər də keçirilib. 
Layihənin donoru Qeyri-Hökumət Təşkilatlarına Dövlət Dəstəyi Agentliyidir.