Naxçıvanda “COP29-la bağlı beynəlxalq təşəbbüslər” Forumu keçirilib
“Gənclərə Qayğı” İctimai Birliyi “COP29: Azərbaycanın iqlim hərəkatı təşəbbüsləri” layihəsinin icrasını davam etdirir.
Layihə çərçivəsində Naxçıvan Dövlət Texniki Kollecində “COP29-la bağlı beynəlxalq təşəbbüslər” adlı forum keçirilib.
Forumda “İqlim dəyişmələri və onun təsirləri”, “İqlim dəyişmələri və miqrasiya: sosial və ekoloji təsirlərin idarə edilməsi” və digər mövzularda panel müzakirələri keçirilib, iştirakçıların sualları cavablandırılıb. Sonda iştirakçılara sertifikatlar təqdim edilib.
Layihə çərçivəsində Azərbaycan Dövlət İqtisad Universitetinin nəzdində Qida Sənayesi Kollecinin və 1 saylı Bakı Tibbi Kollecinin bir qrup tələbələrinin Abşeron və Şirvan Milli Parklarına infoturları da təşkil edilib. Turlar zamanı tələbələrə ölkəmizin
milli parklarının biomüxtəlifliyi, ekosistemin qorunması, təbiətin dəyəri və ətraf mühitin mühafizəsi ilə bağlı məlumatlar verilib.
Qeyd edək ki, bu layihə Azərbaycan Respublikasının Ekologiya və Təbii Sərvətlər Nazirliyi və Qeyri-Hökumət Təşkilatlarına Dövlət Dəstəyi Agentliyinin birgə elan etdiyi “COP29-la bağlı beynəlxalq təşəbbüslər” qrant müsabiqəsinin qalibidir.
