Qlobal Cənubda iqlim dayanıqlılığı üçün QHT-lərin əməkdaşlıq imkanları müzakirə olunub
2024-cü il noyabrın 15-də COP29 çərçivəsində “Cənub-Cənub əməkdaşlığı vasitəsilə iqlim fəaliyyətinin inkişafı: QHT-lərin rolu” adlı beynəlxalq konfransında AMQF İdarə Heyətinin sədri Ramil İskəndərlinin moderatorluğu ilə I panel müzakiləri keçirilib.
“Qlobal Cənubda iqlim dayanıqlılığı üçün əməkdaşlıq” adlı ilk paneldə Nizami Gəncəvi Beynəlxalq Mərkəzinin İdarə Heyətinin həmsədri, Dünya Bankının sabiq vitse-prezidenti İsmayıl Sərəgəldin, BMT-nin Dekolonizasiya üzrə Xüsusi Komitəsinin müstəqil eksperti Carlyle Corbin, Efiopiyada “Hər kəs üçün ədalət” təşkilatının prezidenti Daniel Gebreselassie, Pan Afrika İqlim Ədaləti Alyansının icraçı direktoru Cozef Mitika Mvenda məruzələrlə çıxış edib.
“Cənub-cənub əməkdaşlığı ilə iqlim həllərinin araşdırılması”, “Kiçik ada ərazilərinin iqlim həssaslıqları”, “Bakıdan Belemə: COP30-da tranformativ nəticələr üçün inklüziv və irəliləyən yol xəritəsi” və
s. mövzular ətrafında müzakirələr aparılıb.
