Daşkənddə QHT nümayəndələri “Arşın mal alan” operettası əsasında tamaşaya baxıb
05 DEKABR 2024 - 17:00
Daşkənd şəhərində Mukimi adına Özbəkistan Akademik Musiqili Teatrı Özbəkistan-Azərbaycan QHT-lərinin Əməkdaşlıq Forumu münasibətilə 2024-cü il dekabrın 5-də repertuar proqramında dəyişiklik edib. Teatr dahi Azərbaycan bəstəkarı Üzeyir Hacıbəylinin dünyaşöhrətli “Arşın mal alan” operettası əsasında "Qayçı qudalar" tamaşasını nümayiş etdirib.
Tamaşa Azərbaycandan olan nümayəndə heyətinin də böyük marağına səbəb olub.
Tamaşanın quruluşçu rejissoru özbək sənətkarı Əhəd Fərmanovdur.
Tamaşada Üzeyir Hacıbəyli irsinin bəşəri dəyəri xüsusi qabardılıb.
