![](https://ngoagency.gov.az/storage/articles/news/fAFIDfzW7yeX4T65EOu1PDJOPg0j7HgUvlt16r93.jpg)
QHT-lərin beynəlxalq platformalarda təmsilçiliyinin artırılması diqqət mərkəzindədir
Bu gün Qeyri-Hökumət Təşkilatlarına Dövlət Dəstəyi Agentliyinin təşkilatçılığı ilə “Beynəlxalq təşkilatlarda vətəndaş cəmiyyəti təmsilçiliyi: reallıqlar və hədəflər” adlı təlim keçirilib. Bakı Biznes Mərkəzində keçirilən təlimdə 50-yə yaxın QHT-dən nümayəndələr iştirak edib.
Təlimdə “COP29 tədbirində qeyri-hökumət təşkilatlarının iştirak prosedurları, hədəflər”, “BMT strukturlarında üzvülük, prosedurlar və imkanlar” kimi mövzularda QHT-lərin bilik və bacarıqları artırılıb.
Təlimçilər COP29 Təşkilat Komitəsinin üzvü, Azərbaycan Milli QHT Forumunun İdarə Heyətinin üzvü Pərvanə Vəliyeva və Azərbaycan Milli Qeyri-Hökumət Təşkilatları Forumunun İdarə heyətinin sədri Ramil İskəndərli olub.
Agentlik QHT-lərin beynəlxalq platformalarda təmsilçiliyinin artırılması üçün təlimləri davam etdirəcək.