![](https://ngoagency.gov.az/storage/articles/news/4dDds2EmxDlvBd2nUwEnp1qOFq54TCamUsfiQ5Bg.jpg)
“Uşaq istismarı ilə mübarizədə psixoloji yanaşma” adlı təlim keçirilib
“Sosial İş” İctimai Birliyi “Uşaq istismarı ilə mübarizəyə dair sosial işin aparılması” layihəsinin icrasını davam etdirir.
Layihə çərçivəsində 2024-cü il iyulun 6-7-də “Uşaq istismarı ilə mübarizədə psixoloji yanaşma” adlı təlim proqramının ilk modulu həyata keçirilib. Təlim layihə çərçivəsində seçilmiş 20 nəfər sosial iş ixtisasında təhsil alan tələbələyə tədris olunub. İştirakçılar travmalara məruz qalan uşaqların psixologiyasını anlamaq üçün “Uşaq istismarının psixologiyası və təsirləri” və “Uşaq istismarına məruz qalan uşaqlara psixoloji dəstək və müdaxilə üsulları” mövzusunda təlimlərə cəlb ediliblər.
İctimai Birliyin sədri Səbinə Rüstəmova Əliyeva bildirib ki, layihənin əsas məqsədi uşaq istismarının qarşısının alınmasında sosial işçilərin bacarıqlarını artırmaqdır.
Layihə çərçivəsində silsilə təlimlər davam edəcək.
Layihənin donoru Qeyri-Hökumət Təşkilatlarına Dövlət Dəstəyi Agentliyidir.