Region gəncləri insan alverinə qarşı mübarizədə birləşir
“Qəbələ Regional Gənclərin Resurs Mərkəzi” İctimai Birliyinin icra etdiyi "Region gəncləri insan alverinə qarşı mübarizədə" layihəsi yekunlaşıb.
Layihə çərçivəsində 18-19 iyul tarixlərində Qəbələ rayonunda “Qəbələ Dövlət Peşə Təhsil Mərkəzində” 120-yə yaxın gəncin iştirakı ilə seminar təşkil olunub.
Layihənin rəhbəri Teymur Alşanov bildirib ki, layihənin məqsədi insan alverinə qarşı mübarizədə gənclərin rolunun artırılmasına, insan alveri ilə bağlı cinayətkarlığın qarşısının maariflənmə yolu ilə alınması, bu cinayətkarlığa qarşı Azərbaycan Respublikası ərazisində bütün strukturların və ictimaiyyətin sıx əlaqəli fəaliyyətinə töhfə verməkdir.
Seminarın sonunda iştirakçıları maraqlandıran mövzular haqqında müzakirələr aparılıb, suallar cavablandırılıb.
Layihənin donoru Qeyri-Hökumət Təşkilatlarına Dövlət Dəstəyi Agentliyidir.
