“Gənclərin karyera quruculuğu məktəbi” layihəsi başa çatıb
“Gənclərin Sosial Tərəfdaşlığı Mərkəzi” İctimai Birliyinin icra etdiyi “Gənclərin karyera quruculuğu məktəbi” adlı layihə başa çatıb.
Layihə çərçivəsində 80-dən çox gəncin iştirak etdiyi təlimlər təşkil edilib.
İctimai Birliyin sədri Fidan Ağayeva bildirib ki, layihənin məqsədi gənclərə peşəkar CV yazmaq, motivasiya məktubunu hazırlamaq, müsahibə mərhələsində özünü təqdim etmək və karyera planlanması bacarıqlatının artırılmadına dəstək olmaqdır.
Təlimlər qeyri-formal təhsil metodikası ilə interaktiv formada keçirilib.
Layihə çərçivəsində, həmçinin GSM Analitik İşçi Qrupu tərəfindən hazırlanan “Gənclər üçün metodik vəsait” çap olunub.
Layihənin sonunda təlim iştirakçılarına sertifikatlar təqdim edilib.
Layihənin donoru Qeyri-Hökumət Təşkilatlarına Dövlət Dəstəyi Agentliyidir.
