Polşada ATƏT-in Demokratik Təsisatlar və İnsan Hüquqları Ofisinin dəstəyi ilə ATƏT sədrliyi yanında Varşava İnsan Ölçüsü Konfransı keçirilir.  
2024-cü il oktyabrın 2-3-də QHT-lərə Dövlət Dəstəyi Agentliyinin icraçı direktoru Aygün Əliyeva, qurumun departament rəhbəri Elnur Bağırlı, beynəlxalq layihələr üzrə meneceri Türkan Orucova da konfransa qatılıb.
Toplantıda ATƏT-ə üzv olan 57 ölkənin diplomatları, vətəndaş cəmiyyəti nümayəndələri və insan hüquqları üzrə ekspertlər qatılıb. Konfrans oktyabrın 11-də beynəlxalq əməkdaşlığın gücləndirilməsi və ATƏT-in insan hüquqları gündəliyinin möhkəmləndirilməsi üçün tövsiyələrin təqdim olunması ilə başa çatacaq.
Agentliyin nümayəndələri Varşavaya səfər çərçivəsində Azərbaycanın Polşadakı  fövqəladə və səlahiyyətli səfiri Nərgiz Qurbanova ilə də görüş keçiriblər.