Qazaxda “Gənclik narkomaniyaya qarşı” layihəsi icra olunur
“Gəncliyin Təşəbbüsü” Maarifləndirmə İctimai Birliyi “Gənclik narkomaniyaya qarşı” layihəsinin icrasını davam etdirir.
Layihə çərçivəsində sentyabrın 25-dən oktyabrın 2-dək Qazax rayonun I Şıxlı, II Şıxlı, Yuxarı Salahlı, Daş Salahlı, Çaylı və Quşçu Ayrım kəndlərinin gəncləri ilə görüşlər keçirilib.
İctimai Birliyin sədri Azər Əliyev bildirib ki, layihənin məqsədi sağlam həyat tərzini təbliğ etmək və narkomaniyaya qarşı mübarizədə maarifləndirmənin kütləviliyinə nail olmaqdır.
Qazax rayonun 6 kəndində keçirilən tədbirlərdə 256 gənc iştirak edib.
Xatırladaq ki, layihə çərçivəsində avqustun 25-də Qazax Olimpiya İdman Kompleksində gənclər və yeniyetmələr arasında qol güləşi üzrə açıq Qazax rayon turniri, 23-24 sentyabr tarixlərində isə Qazax rayonunda gənclərlə maarifləndirici görüşlər keçirilib.
Layihə çərçivəsində oktyabr ayında atıcılıq turniri də keçiriləcək.
Layihənin donoru Qeyri-Hökumət Təşkilatlarına Dövlət Dəstəyi Agentliyidir.
