Mətbuat Xidmətinin rəhbəri

Ülviyyə Hüseyn qızı Qarayeva 01 mart 1983-cü ildə Bakı şəhərində anadan olub.
2000–2004-cü illərdə Bakı Slavyan Universitetinin Regionşünaslıq və Tərcümə fakültəsinin Tərcümə ixtisası üzrə bakalavr təhsili alıb, 2004–2006-cı illərdə isə həmin ixtisas üzrə magistratura təhsilini davam etdirib. 2013–2017-ci illərdə Bakı Slavyan Universitetində Azərbaycan dili ixtisası üzrə dissertantı olub.
2006-cı ildən 2012-ci ilədək Bakı Slavyan Universitetinin Slavyan Filologiyası fakültəsində laborant vəzifəsində çalışıb. 2012-2014-cü illərdə “New Baku Post” qəzetində korrektor, 2014-2017-ci illərdə REPORT İnformasiya Agentliyində korrektor-redaktor, 2018-2019-cu illərdə Azərmarka MMC-də redaktor, 2019-2023-cü illərdə "Azad Azərbaycan Teleradio Yayım Şirkəti"ndə müxbir vəzifələrində çalışıb.
2023-cü ildən etibarən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin İctimaiyyətlə Əlaqələr və Kommunikasiya İşləri üzrə meneceri vəzifəsində çalışır.