2026-cı il mayın 19-da “WUF13 Urban Expo”dakı QHT Agentliyinin pavilyonunda Bakı Təşəbbüs Qrupunun “Müstəmləkə idarəçiliyinin yaratdığı ədalətsizliklər və mənzil böhranı” mövzusuna həsr olunmuş tədbiri keçirilib.
Tədbirdə indiki və keçmiş müstəmləkələri təmsil edən Qlobal Cənub Gənclər Platformasının üzvləri - gənc tədqiqatçılar, beynəlxalq hüquq sahəsində ixtisaslaşmış şəxslər, səhiyyə sahəsi üzrə mütəxəssislər, müxtəlif təşkilatların nümayəndələri iştirak ediblər.
Müzakirələrdə müstəmləkə və neokolonial idarəetmə sistemlərinin doğurduğu dərin sosial-iqtisadi nəticələri, urbanizasiya prosesləri nəticəsində formalaşan struktur bərabərsizlikləri, mənzil təminatı sahəsində çağırışlar, eləcə də bu amillərin yerli əhali üzərində yaratdığı genişmiqyaslı və çoxşaxəli təsirlər diqqət mərkəzində olub.
