Qeyri-Hökumət Təşkilatlarına Dövlət Dəstəyi Agentliyində Tibbi Ərazi Bölmələrinin İdarəetmə Birliyi (TƏBİB)  ilə birgə “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı”nın 2.17, 6.2, və 1.7-ci bəndlərinin ilkin və aralıq nəticələrinin müzakirəsi ilə bağlı ictimai müzakirə keçirilmişdir.

Tədbirdə Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva, Müşahidə Şurasının üzvləri Azər Allahverənov və Zaur İbrahimov, Tibbi Ərazi Bölmələrini İdarəetmə Birliyinin (TƏBİB)  İcraçı direktorunun müavini Araz  Nəsirov, Hüquq departamentinin rəhbəri Pərvin Cabbarlı və qeyri-hökumət təşkilatlarının rəhbərləri iştirak etmişdir.

Tədbir iştirakçılarına dövlət orqanlarında vətəndaş cəmiyyətinin təmsilçiliyi, ictimai iştirakçılıq, TƏBİB-in tabeliyində olan tibb müəssisələrində aparılan islahatlarla bağlı maarifləndirmə işlərində qeyri-hökumət təşkilatlarının rolu barədə məlumat verilmiş, eyni zamanda Milli Fəaliyyət Planın  aidiyyəti bəndlərinin icrası ilə bağlı təkliflər irəli sürülmüşdür.

Tədbir qarşılıqlı diskussiya şəklində davam edib və mövzu ilə bağlı QHT- lərin sualları cavablandırılıb.